“Lafazanlar” cemiyeti (eglenceli milliy-medeniy yarıqlandıruv video projesi)


Proje lideriTahir Nureddinoğlu Kerim

 Projeniñ qısqaca açıqlaması:
Proje milliy qırımtatar anekdotlarını (komik fikralarını) ustalıqnen icra etken kişilerini bir yerde toplamaq; bu kibi icadiy körüşüvlerini videoğa çekmek ve internette yayımlayaraq qırımtatar tili, ürf-adetleri ve kültürüniñ presitijini kötermek ğayesini nümayış ete.
Zemaneviy genç qırımtatar oquyıcısınıñ meraqlarını araştırırken, onuñ çeşitli malümatnı tam olaraq hem şu añde elde etmek istegenini ve yazılı menbaalar yanında fotoreportaj, karikatür, audio, video’ğa çoq meyil bergenine qanaat olduq. Bu yerde qayd etmeli ki, video yayımları yazı (misal olaraq diaspora içün kiril elifbesi), ve hatta lehçe hisarlarını sile ve türlü malümatlarnıñ güzel menimsemesi içün yañı imkânlar doğura.
Bugün qırımtatar halqı böyle durumğa keldi ki, ata-dedelerden mirasqa qalğan milliy degerlikleriniñ mahiyetini, mühimligini ve hem muqaddesligini bile doğru añlap olamay.
Bunuñ ile birlikte olsun qırımtatar matbuatı olsun milliy TV ve Radyosı maleviy, ğayeviy zorluqlarından ğayrı Ukrayna devletiniñ tazyıqı altında bulunır. Bu nazik siyaseti sayesinde ana-tilde çıqqan neşirler sade oquyıcılar degil, “Qırımtatar tili ve edebiyatı” fakültesinde tahsil alğan talebeler arasında bile milliy kültür hayatınıñ prioriteti kibi sayılmay. Diger taraftan ise halqnıñ ğayeviy, siyasiy bilgilerini arttırmaq, milliy şuurunı, kimligini uyantmaq vazifesine çağrılğan ATR telekanalı Vatan mücadelesinden uzaqlaşmağa az qaldı.
İşbu nümayış ettigimiz “Lafazan cemiyeti” video-internet projesi yalñız qırımtatarlarını birleştirgen bir köpür degil, ileride milliy TV’lerimizin keyfiyetli şekillenmesine büyük tesir berecek bir projesidir.

“Lafazanlar cemiyeti” eglenceli medeniy yarıqlandıruv yayımnıñ maqsadı:

1.   Sürgünlikten Vatanğa avdet etken qırımtatarlarnıñ milliy variyetine, keçmişine meraq ve sevgisini aşlamaq
2.        Qırımtatar profesyonel mizah ve hiciv, pandomim ve tehzil teatrniñ peyda olmasına bir siltem bermek
3.    Qırımda ve diger ülkelerdeki vatandaşlarımıznıñ ğayeviy yaqınlaşmasına ves bermek ve olarda til kültürini yükseltmek
4.        Kiril alfabesini ve yoqsa edebiy qırımtatar tilini güzel bilmegenler içün küçlü platformasını yaratmaq
5.        Qırımtatar TV’nin keyfiyetli şekillenmesi içün büyük tesir bıraqmaq
6.        Milliy TV ve Radyo hadimleriniñ qırımtatarca doğru vurğu ve telâfuz etmeleri içün örnek köstermek
7.      İcadiy kişilerini bir noqtada toplamaq, yani anekdot uzmanları cemiyetini meydanğa ketirmek. Bunların arasında qırımtatar folkloru profesörleri, Sahne aktörleri, Dügün çalğıcılar ansablleriniñ esli başlı müziksyenleridir.
8.        Qırımtatarlarnıñ ürf-adetlerini, milliy ananeviy hayatını reklam yapmaq
9.        Cenkten evvel ve bugünki halq tiliniñ evrimini inceleğen tilciler, edebiyatçı ve folklorcılar içün malzeme hazırlamaq
Plan boyunca icadiy toplaşuvlar yıl (10 ay) devamında ayda bir defa keçirilir.
Milly eglence ve kültür merasimleriniñ profesyonel video materialları internet sitesi, Youtube, Facebook’ta Qırım-Türk Tatarlar içün yayımlanır.
Video koleksyonu toplanınca yerli Qırım (ve imkânınca Türkiyede qırımtatarlar toplu yaşağan yerli) Tv’sine teslim etilmek ihtimalı var.

10 ay keçirilecek milliy kültür projeniñ bir ay büdjesi  

Donatma /  Hızmetçi
Yapılacaq İşler
Kişi
Masraflar UA
Tek
Umum
1.                    





2.                    
Baş Direktoru
Proje iştirakçileri, hızmetçilerini araştırma, onlar ile resmiy añlaşmalar. Projege uyğun donatmalar, salonlar araştırma, kira, reklam, yayım işleri
1
6000
6000
3.                    
Senaryo

1
2000
2000
4.                    
Eglence program yonetmeni
Mahsus Teatrodan davet etilgen aktörnıñ ayrı komik süjetlerinde iştiragi, eglence program yönetimi
1
1500
1500
5.                    
Stilist, vizajist
Anekdot ustaları ve yoqsa ayrı süjetler içün mahsus kiyimler, makyaj
1 (2)

4000
6.                    
Tehnikiy Direktor
Video çekim sahnesindeki işleri
1
2000
2000
7.                    
Operatör
Yüksek kaliteli ve profesyonel video işleri
4
800
3200
8.                    
Montaj
Çekilgen video süjetleriniñ montaji
1
2000
2000
9.                    
Anekdot üstaları
Fikra, anekdotnıñ mahirane icrası
6
800
4800
10.                
Milly çalğıcı taqımı
Tetbir devamında milliy qırımtatar eski ve zemane komik türküleri
5
500
2500
11.                
Işık  
Salonnı ışık etecek donatmalar, fenerler

2400
2400
12.                
Ses
Aktörlar içün kablosus taqma mikrofonları

1600
1600
13.                
TV Sistem kontrolü
İnjenerler (mühendisler), kablolar, kontrol paneli üzerindeki işler

4800
4800
14.                
Yol, petrol
Uzaqtan davet etilecek anekdot ustalarını ketirme ve keri qaytarması ve diger acil işleri
2 (4)
200
400
15.                
Salon kirası
İcadiy toplaşuvlarını keçirelicek ve video çekilecek qırımtatar milliy-kültür salonları


1500
16.                
Reklam
flayerler, plaketler hazırlaması ve darqatılması, radyo yayımları


1500
Bir ay içün umum masraflar:
40200 UA
On ay içün masraflar:
402000 UA

Mahsulu: ayda 1-2 yüksek kaliteli, profesyonel video

Kerçekleşmek üzere.
Qırım, Simferopol-2013

0 коммент.:

Yorum Gönder