“Vatan Sevgisi bilgiden kelir” (Bir aylıq milliy medeniy oquv kursu )


Projeniñ esas ğayesi:

Qırımda meydan alğan soñ vaqialar ve onuñ ile bağlı neticeler özüni aydınlamağa başladı. Rusiye devleti resmen Ukrayna hudutlarına kirgen topraqlarını elge keçirmesinen birlikte qırımtatar halqına zıt kelgen qanunlarını işletmege başladı. Yarım adasındaki Üniversitetler “Federasyon” Üniversitetlerin sırasına kirsetilmek üzerindedir. İşbu haber qırımtatar halq hocalarımıznı pek üzdü ise, Moskovadan Qırım müftüligini “yoqlamağa” kelgen türk-müsülman añanelerinden, tilinden uzaq olunğan tatar şeyhleri
Qırım müftümiz ile müminlerimizni ğam-qasevette qaldırdı.
Anca Rusiye zülüm idaresi tarihinden belli ki, aynı siyasiy tecribe evvelki Romanyada yaşağan qırımtatar vatandaşlarımızğa qarşı yapılmağa işletilgen edi. Bugün ise rus şovinist siyasetçileri Qırımtatar halqını ruslaşqan Qazan tatarlarınen bağlamaq, qarıştırmaq ğayesini ilerige sürüp, aynı zamanda Türkiye ve diasporamız ile alâqalarını bozmağa tırışa. Böyleliknen, Qazan tatarlarinen birleşerek, olarda olğan problemleri de bizge toqunır. Bu latin hurufatına keçmek içün yapılğan qalqışmalarınıñ yasağı, milliy til ve mektep işleriniñ toqtatması ve ilh. tamır halqını inqirazğa atqan rus qanunlarıdır. Bundan başqa, evvel hayın, vatansevmez Yakunoviç rejimine ve endi Şovinist rejimi ögünde baş eggen “Milli firqa”, “Sebat” kibi sahte firqaları da halq arasında fesat çıqarırken öz menfaatlarına köre qırımtatar milletini parçalamağa, zayıflatmağa, milliy ğayesini yoqqa çıqarmağa hazırlar. Bu kibi havflı ketişatını hiç olmadan bir ucundan durdurmaqçün milliy medeniy derslerini devam etmege qarar aldıq. Böylelikle qırımtatar ehalisine mahsus “Vatan sevgisi bilgiden kelir” kursunı açıp til, edebiyat, folklor, tarih, medeniyet, toponimika ve diger mühim mevzularda dersler bermekni arz ettik...

Proje destekçisi: Kocaeli Kırım Tatarları Derneği; Proje lideriDoç.Dr. Tahir Nureddinoğlu Kerim

Qırım, 2014, Nisan-Mayıs

0 коммент.:

Yorum Gönder