H. Odabaş. Qırımtatar Bala Türküleri. 1926.

Qırımtatar milliy edebiyatı, tili, maarifi, gazetacılığı, neşirciligi kibi sahalarında özüni semereli bir kişi olaraq tanıtqan Habibullah Odabaşın bugün meydanğa çıqqan yanı eserlerini elde etmege candan sevinem. Mezkürnin bediy icadı üzerinde endi çoqtan beri çalışsam bile (onun 1917 ve 1920'nci senelerde "Millet", "Bilgi", "Yeşil Ada" kibi gazeta ve mecmualarında basqan edebiy ve publitsistik eserleri ve ilh. kibi yüzlerce materiallar tapıldı) onun çoq iqtidarlı, yüksek seviyeli  ansiklopedik bilgilerine sahip olğanından hayretlerde qalam. Yaqında, Türkiye Kütüphanelerinin  fondlarını araştırırkenim, elime pek meraqlı "Qırımtatar bala Türküleri" degen kitabı tüşti. Z. Bahareviç ile beraberlikte 1926 senesi  balalar içün, qırımtatar ve rus tilleri esasında  hazırlanılğan kitabının qıymeti üzerinde saatlarce qonuşmaq mümkün. Üstten ögrendigim kibi, böyle neticeler etmek mümkünim ki, mezkür neşir bugünki milliy qırımtatar bala bağçalar içün pek güzel bir örnek olabile. Yırlar sırasında bazıları Sovyet hükümeti mevzularına bağışlanıp yazılsa, arasında daha pek güzel ve meraqlı bala yırları da rastkeline. En meraqlı şunda ki, her bir türkünin yanında rus tercimesi de bar. Müsik notaları da bar. Ümüt etem ki, bu kitabın degerini bilgen akademisyen soydaşlarımız da bulunır ve üzerinde güzel tez, maqale yazar dep ümüt etem. Sayğı ile Doç.Dr. Tahir Kerim.
Kitapnı kendinizge endirmek içün bu linkke basabilesiniz