Ethem Feyzi. Çocuqlar Dünyası. Derslik. 1923. Endir

Qırımtatar milliy yadikarlığımızğa mensüpli kitap ve gazetalarının kopyalarını araştırırken, Ethem Feyzi'nin "Çocuqlar Dünyası" adında derslikke rastkelindim. 
E. Feyzini I. Qırımtatar Qurultayının yayın organı "Millet" gazetasında basqan maqaleler ve "Qırım türklerinin yerleşme ve köçmeleri" kitabından tanıy edim. Son yıllarda dünya arşivlerinin açılğan qapuları sayesinde bayağı malümatlarnı elde ettim. Bularnın arasında da Ethem Feyzinin bu güzel ve pek nadir dersligi "Çocuqlar dünyası"dır. Kitap 1923 senesi Dağıstanda 8000 nüsha ile basılğan edi. Umumen 142 sahifesi bar. Ethem Feyzi haqqında da bir eki malümat bermege isterim. 1948 sene çıqqan "Qırım türklerinin yerleşme ve köçmeleri" kitabınının önsözünde Cafer Seydahmet Kırımer 1881’de Silistrede doğup, İstanbulda yüksek Ticaret Mektebini bitirgen Ethem Feyziniñ 1906’da Kezlev Rüşdiye mektebini idare etkenini; onuñ 30 sene zarfında Qırım, Kafkasya müsülman oquv yurtlarında hocalıq yapıp genç nesline türkçülük medeniyetini aşlağanını bahsete. Ethem ile Paris talebeligini, Qırımda olğan körüşmelerini hatırlayaraq biraderiniñ 1936 senesi hatır sorulacaq halda İstanbulğa taşınğanını tarifley. İşte Derslikni Endirmek İçün Link Budur