А. Olesnitskiy. Qırım Türkülerinin Yırları. 1910. Endir

Bu kitap 1910 senesi Moskovada "Gatsuka" matbaahanesinde basılğan edi. Kitapnın müellifi Aleksey Olesnitskiy, muharriri V. Gordlevskiydir. Qırımnın Yalıboyunda yerleşken qırımtatar köylerinde toplanılıp ve kitapta basılğan yırlarnın sayısı 60'qa kele. Meraqlı şu ki, bu yerde olğan yırlar hem qırımtatar ve hem rus tillerinde taqdim. Ve ayrıca bu yırlarnı icra etmek içün çalğıcılar içün müsik notaları da ilave etile. Müellif tarafından kitap 6 parçağa bölüne: 
1. Aşıq Türküleri 
2. Mashara Türküleri 
3. Soldat (asker) Türküleri
4. Rus-Japon Cenki Türküleri 
5. Destanlar 
6. Muhacir Türküler. 
İşte bu kitapta basılğan yırlarından bularda bar: "Ela közlü", "Demirciler", "Oduncular", "Elmas", "Esmer yar", "Qarasubazar", "Tefide", "Port Artur Türküsü", "Useyin Bey", "Emine Şerfe" ve ilh. 
Sayğı ile Doç.Dr. Tahir Kerim.